बिनु यादवले सर्वोच्च अदालतको बोर्डमा कालो रङ्ग छ्यापिन् (तस्विरहरु)
काठमाडौँ । आफूलाइ घरेलु हिंसा पीडित बताउँदै आएकी बिनु यादवले सर्वोच्च अदालतको बोर्डमा कालो रङ्ग छ्यापेर विरोध प्रदर्शन गरेकी छिन् । मंगलबार बिहान इन्ड्राइभबाट सर्वोच्च अदालतको गेट पुगेकी उनले अगाडिपट्टि रहेको ‘सर्वोच्च अदालत’ लेखिएको बोर्डमा कालो रङ्ग छ्यापेकी हुन् । कालो कपडा लाएर सर्वोच्च पुगेकी उनले बोर्डमा न्यायालयको विरोध जनाउँदै कालो छ्यापेकी हुन् ।
रङ्ग छ्याप्नासाथ प्रहरीले उनलाई नियन्त्रणमा लिएको छ । नियन्त्रणमा लिइएको उलाई सिंहदरबार वृत्तमा लगिएको छ ।
उनले छ्यापेकाे रङ्ग नेपाल प्रहरीले पानी हालेर पखालेकाे छ ।
