विदेशमा ओलीको लगानी रहेको भनेका दुर्गा प्रसाईं पक्राउ
मेडिकल व्यवसायी तथा अभियन्ता दुर्गा प्रसाई पक्राउ परेका छन् ।
भक्तपुरस्थित निवासबाट उनलाई आज दोस्रो पटक मंगलबार बिहान पक्राउ परेका हुन्।
सोमबार निवासमा पत्रकार सम्मेलन गर्दै प्रधानमन्त्री केपी शर्मा ओलीले एक्जिआटामा लगानी गरेको भन्दै विवादास्पद अभिव्यक्ति दिएपछि उनलाई नेपाल प्रहरीकाे केन्द्रीय अनुसन्धान ब्यूराे (सीआइबी)ले पक्राउ गरेको हो ।
उनको निवासबाटै प्रसाईंलाई पक्राउ गरिएको नेपाल प्रहरीको केन्द्रीय अनुसन्धान ब्यूरो (सीआईबी)का प्रवक्ता होविन्द बोगटीले बताए ।
विदेशमा प्रधानमन्त्री केपी शर्मा ओलीको लगानी रहेको भन्दै ‘फेक डकुमेन्ट’ सार्वजनिक गरेको अभियोगमा उनलाई सीआईबीको टोलीले पक्राउ गरेको हो ।
यसअघि उनी असोज ६ गते पनि पक्राउ परेका थिए । सामाजिक सञ्जालमा एक महिलाको चरित्रहत्या गरेको उजुरीको आधारमा साइबर ब्युरोले उनलाई पक्राउ गरेको थियो ।
अदालतको आदेशबाट पछि उनी धरौटीमा रिहा भएका थिए ।
