हवाई भाडादर वृद्धिबारे गगनले गराए मन्त्रीको ध्यानाकर्षण
नेपाली कांग्रेसका महामन्त्री गगन थापा र केन्द्रीय सदस्य सञ्जय गौतमले हवाई क्षेत्रमा देखिएका समस्या समाधान गर्न संस्कृति, पर्यटन तथा नागरिक उड्डयन मन्त्रालयको ध्यानाकर्षण गराएका छन् ।
संस्कृति, पर्यटन तथा नागरिक उड्डयन मन्त्री बद्री पाण्डे र नियामक निकायका अधिकारीहरुलाई मन्त्रालयमा भेटेर हवाई भाडा वृद्धिबारे ध्यानाकर्षण गराएका हुन् ।
नागरिक उड्डयन प्राधिकरणका महाप्रबन्धक, नेपाल वायुसेवा निगमका अधिकारी, अन्य सम्बन्धित प्रतिनिधिसँग भएको छलफलमा दक्षिण कोरिया जाने कामदारलाई हवाई टिकटमा रहेको एकाधिकार बारे जानकारी गराएका हुन् ।
त्रिभुवन अन्तर्राष्ट्रिय विमानस्थलमा निर्माण कार्य भइरहेको हु्ँदा फ्लाइटको कम भएकाले अन्तर्राष्ट्रिय हवाई भाडादर अस्वभाविक रूपमा वृद्धि भएको मन्त्रालयका अधिकारीले जानकारी गराएको महामन्त्री थापाले बताए ।
