गगन थापा र भाजपा विदेश विभाग प्रमुख चौथाइवालेबीच दिल्लीमा भेटवार्ता
नेपाली कांग्रेसका महामन्त्री तथा सांसद गगन थापाले भारतीय जनता पार्टीका विदेश विभाग प्रमुख डा. विजय चौथाइवालेसँग भेटवार्ता गरेका छन् ।
भारत भ्रमणमा रहेका महामन्त्री थापाले बिहीवार चौथाइवालेसँग भेटवार्ता गरेका हुन्। चौथाइवालेले सामाजिक संजाल एक्समा थापासँगको भेटका तस्विर राखेका छन्।
उनले थापासँग समन्वयात्मक बैठक भएको र अपसी हितका विभिन्न विषयमा चर्चा गरेको उल्लेख गरेका छन्। महामन्त्री थापा नयाँ दिल्लीमा हुने एसियन क्लाइमेट समिटमा सहभागी हुन बुधबार दिल्ली गएका हुन् ।
समिटको प्यानल छलफलमा उनले कार्बन व्यापार सम्बन्धी नीतिहरू र वन संरक्षणमा काम गरेको हाम्रो देशले त्यसबाट कसरी फाइदा लिन सक्छ भन्ने विषयमा कुरा राख्ने बताएका छन्।
