रविको म्याद थपसँगै रास्वपाका प्रदर्शनकारी आक्रोशित, निषेधित क्षेत्र प्रवेश गर्ने प्रयास
जिल्ला अदालत कास्कीले रास्वपा सभापति रवि लामिछानेलाई थप ७ दिन हिरासत राख्न अनुमति दिएपछि पार्टीका कार्यकर्ता आक्रोशित भएका छन् ।
उनीहरुले निषेधित क्षेत्र प्रवेश गर्ने प्रयास गर्दा तनाव बढेको छ । आज रविलाई अदालत लगिँदा कार्यकर्ताले निषेधित क्षेत्र बाहिर बसेर प्रदर्शन गरिरहेका थिए ।
तर, म्याद थपको सूचनासँगै प्रदर्शनकारी आक्रोशित भए । उनीहरु निषेधित क्षेत्रतर्फ अघि बढेपछि प्रहरीले रोक्न खोजेको छ । प्रदर्शनकारी निषेधित क्षेत्र प्रवेश गर्न रोकिएका छन् ।
उनीहरु अहिले निषेधित क्षेत्रबाट ५० मिटर जति वर बसेर नारावाजी गरिरहेका छन् । प्रहरीले पानीको फोहोरा फ्याक्ने गाडी रेडी अवस्थामा राखेको छ ।
