लामिछानेलाई १२५ घण्टा हिरासतमा राखेर ४ घण्टा मात्रै बयान गरियोः डा.स्वर्णिम वाग्ले
काठमाडौं । राष्ट्रिय स्वतन्त्र पार्टी रास्वपाले रवि लामिछानेमाथि राजनीतिक प्रतिशोध नै साँधिएको बुधवार साँझबाट पुष्टि भएको बताएको छ । पोखरामा पत्रकार सम्मेलन गर्दै रास्वापका उपसभापति डा. स्वर्णिम वाग्लेले शुक्रवार साँझको घटनाले लामिछानेमाथि प्रतिशोध साँधिएको पुष्टि भएको बताए । डा.वाग्लेले हिरासतमा राखेको १२५ घण्टामा जम्मा ४,५ घण्टा मात्रै बयान लिने र थप प्रश्न गर्न आलटाल गर्ने प्रहरीको व्यवहारले रास्वपाको दाबी पुष्टि भएको बताए ।
उनले भने उनले भने, ‘राजनीतिक प्रतिसोध नै साँधिएको थियो भन्ने दाबी थियो हिजो साँझबाट त्यसको पुष्टि भएको छ । शुक्रवार दिउँसो पक्राउ गरियो । हिजो साँझ १०-११ बजेसम्मको हिसाब गर्दा १२५ घण्टा हिरासतमा राखिएको रहेछ । त्यो समयमा ४-५ घण्टा मात्रै बयान लिइएको छ । आलटाल गर्ने । के उहाँलाई दालभात खुवाउन ल्याएको हो ?
वाग्लेले सरकारले अनुसन्धानका लागि विना तयार लामिछानेलाई पक्राउ गरे हिरासतमा राख्ने र गलाउने शैलीमा सरकार लागेको भन्दै आक्रोश व्यक्त गरे ।
उनले भने, ‘तयारी थिएन पहिला ? के सोध्ने भन्ने थाहा छैन ? पहिला थुन्ने अनि सोध्न थाल्ने ? यो मानमर्दन गर्ने शैली सरकारको तेरो सेखी झार्छु देखाइदिन्छु भन्ने शैलीमा सरकार छ । यसलाई सभ्य भाषामा राजनीतिक प्रतिशोध नै भन्छन् ।’
