नयाँ कमला पुल निर्माण गरिने सहमतिपछि तोडियो आमरण अनसन, मुख्यमन्त्रीले खुवाए जुस

- नागरिक टाइम्स/संवाददाता

७ भाद्र २०८१, शुक्रबार ००:००

जनकपुरधाम । नयाँ कमला पुल निर्माण गर्नमा मधेश सरकार सहमत भएपछि चार दिनदेखि आमरण अनशन बसेका अनसनकारीहरू आज अनसन तोडेका छन् ।

नयाँ कमला पुल निर्माण संघर्ष समिति सिरहा–धनुषा र मधेश सरकारबीच चार बुँदै सहमति भएको हो । सहमति पश्चात् मुख्यमन्त्री सतिश कुमार सिंह अनशनस्थलमै पुगेर अनशनकारीहरूलाई जुस खुवाए । अनशनकारीले अनशन तोडेको घोषणा गरेका छन् ।

मुख्यमन्त्री सिंहले संघर्ष समितिका संयोजक इन्जिनियर प्रवीण कुमार यादवलाई सहमति पत्र हस्तान्तरण गरेका हुन् ।