मुकुल ढकाललाई पदमुक्त गर्ने रास्वपाको निर्णय
२५ असार, काठमाडौं । राष्ट्रिय स्वतन्त्र पार्टी (रास्वपा)ले महामन्त्री मुकुल ढकाललाई केन्द्रीय सदस्य, महामन्त्री र प्रवक्ताबाट हटाएको छ ।
मंगलबार बिहान बसेको केन्द्रीय समिति बैठकले उनलाई पदबाट हटाउने निर्णय गरेको हो ।
रास्वपाले उनको पार्टी सदस्यता भने कायम राख्ने निर्णय गरेको छ ।
अनुशासन आयोगले ढकाललाई साधारण सदस्यसमेत नरहने गरी कारबाही सिफारिस गरेको थियो ।
