विद्यालयले भाडामा लगाएका सटरमा ताला नलगाउन महानगरलाई उच्च अदालतको आदेश
काठमाडाैँ । सामुदायिक विद्यालयका भाडामा लगाएका सटर बन्द नगर्न काठमाडौँ महानगरपालिकालाई अदालतले आदेश दिएको छ । तुलसीप्रसाद अगस्तीले दर्ता गरेको निवेदनउपर उच्च अदालत पाटनका न्यायाधीश लेखनाथ पौडेलको इजलासले काठमाडौँ महानगरपालिकालाई अल्पकालीन अन्तरिम आदेश दिएको हो ।
काठमाडौँ महानगरपालिकाले पछिल्लो समय सामुदायिक विद्यालयले भाडामा लगाएका विद्यालयका सटर धमाधम खाली गराउँदै आएको छ । महानगरले हालसम्म २७ विद्यालयका ३ सय ४० सटरमा ताला लगाइसकेको छ । महानगरले नगर प्रहरी र कर्मचारी खटाएर खाली गराउन भन्दै ताला लगाएको हो ।
त्यस्तै अदालतले आगामी असार ७ गतेसम्मका लागि सटर बन्द नगर्न अल्पकालीन अन्तरिम आदेश दिँदै छलफलका लागि महानगरलाई बोलाएको हो ।
महानगरले विद्यायलका संरचना शैक्षिक प्रयोजनका लागि प्रयोग हुुनुपर्ने भन्दै खाली गराउन लागेको हो ।
