साना बचतकर्ताहरूको लगानी सुरक्षित गर्नुपर्छ : अर्थमन्त्री महत
अर्थमन्त्री डा. प्रकाशशरण महतले शेयर बजारलाई स्वास्थ्यकर बनाउन आवश्यक भएको बताएका छन् ।
सोमबार काठमाडौंमा आयोजित धितोपत्र बजारको पूर्वाधार, उपकरण, लगानीकर्ताको व्यवहार र बजार स्थायित्व कार्यक्रममा उनले साना आम बचतकर्ताहरूको लगानी सुरक्षित गर्नुपर्ने बताए ।
‘शेयर बजारलाई स्वास्थ्यकर बनाउन जरुरी छ । आम लगानीकर्ता साना साना बचतकर्ताहरू छन् । उहाँहरूको लगानी सुरक्षित गर्न आवश्यक छ’ उनले भने ।
उनले यससम्बन्धी नियम कानुन अपुरो भएको भन्दै र त्यसलाई पूर्णता दिने काम भइरहेको बताए ।
पहिलेको तुलनामा ब्रोकरहरू बढेको कारणले प्रतिस्पर्धाको सुरुवात गर्न पर्ने आवश्यकता देखिएको उनको भनाई छ ।
