साताको पहिलो दिन सेयर बजारमा दोहोरो अंकको गिरावट
साताको कारोबारको पहिलो दिन सेयर बजारमा दोहोरो अंकको गिरावट आएको छ ।
नेपाल स्टक एक्सचेन्ज (नेप्से) का अनुसार आइतबार सेयर मापक सूचक नेप्से परिसूचक ३३.२० अंकले घटेर १९७१.१० अंकमा पुगेको छ ।
राम्रा र बलिया कम्पनीको सूचक सेन्सेटिभ परिसूचक पनि ५.५५ अंकले घटेर २७७.३९ अंकमा पुगेको छ ।
आज नेप्सेमा कारोबार भएका सबै उपसमुह राताम्ये भएका छन् ।
आइतबार कारोबार रकमका आधारमा सिटिजन्स लाईफ इन्स्योरेन्सको सबैभन्दा धेरै कारोबार भएको छ । कम्पनीको १४ करोड ७३ लाख ६० हजार ७ सय ४३ रुपैयाँको कारोबार भएको छ ।
आजको दिन नेप्सेमा सयपत्री हाइड्रोपावरका लगानीकर्ताले सबैभन्दा धेरै कमाएका छन् । कम्पनीको सेयरमूल्य १० प्रतिशतले बढेर सकरात्मक सर्किट लागेको छ ।
कुल २८४ कम्पनीको ६७ लाख २३ हजार ४ सय कित्ता सेयर किनबेच हुँदा १ अर्ब ८३ करोड ४ लाख ८६ हजार ७ सय ४३ रुपैयाँको कारोबार भएको नेप्सेले जनाएको छ ।
