ठूला काण्डमा उन्मुक्ति दिएको भन्दै प्रधानमन्त्रीलाई ध्यानाकर्षण पत्र
ठूला काण्डमा राजनीतिक नेतृत्वमा रहेका व्यक्तिहरुलाई उन्मुक्ति दिएको भन्दै नागरिक अगुवाहरुले आपत्ति जनाउँदै प्रधानमन्त्रीलाई पत्र लेखेका छन् ।
पूर्वमन्त्री निलाम्बर आचार्य, पूर्वअख्तियार प्रमुख सूर्यनाथ उपाध्याय, पूर्वप्रमुख निर्वाचन आयुक्त सूर्यप्रसाद श्रेष्ठ, मानवअधिकार कर्मी सुशील प्याकुरेल र कनकमणि दक्षितले संयुक्त रुपमा प्रधानमन्त्री दाहाललाई पत्र लेख्दै ठूला काण्डमा राजनीतिक नेतृत्वमा रहेका व्यक्तिहरुलाई उन्मुक्ति दिएको भन्दै आपत्ति जनाएका हुन् ।
विशेष गरी नक्कली भुटानी शरणार्थी काण्ड, ललिता निवास काण्ड र सुन तस्करी काण्डमा प्रमाण सार्वजनिक हुँदा पनि राजनीतिक व्यक्तिहरुलाई छुट दिएकोमा उनीहरुको विरोध छ ।
प्रधानमन्त्री दाहाललाई प्रेषित पत्रमा उल्लेख गरिएको छ, ‘राजनीतिक नेतृत्व भएको आभास हुँदा हामी यो पत्र लेख्न बाध्य भएका छौं। यो निश्चित छ, यस्ता विशाल काण्ड, प्रभावशाली पदाधिकारी र पहुँच भएका व्यक्तिहरूको स्वीकृति विना सम्भव हुँदैन । अपराधिकतालाई नै प्रश्रय दिने नेतृत्व भयो भने मुलुक बलियो बन्दैन, विकास हुँदैन, न्याय हुँदैन र राष्ट्रिय स्वाधीनता पनि शुद्ध बन्दैन ।’
