थानकोटबाट चित्लाङ जाँदै गरेको भ्यान दुर्घटना, दुई जनाको मृत्यु
थानकोटबाट चित्लाङ जाँदै गरेको मारूती भ्यान दुर्घटना हुँदा दुई जनाको मृत्यु भएको छ।
थानकोटबाट चित्लाङ जाँदै गरेको बा १० च ३५४६ नम्बरको मारूती भ्यान पानीघाटनजिक भीरबाट खसेको थियो।
मृत्यु हुनेमा सिन्धुली घर भएका २० वर्षीय नवराज ठोकर तामाङ र काभ्रे घर भएका ४५ वर्षका अनिल तामाङ रहेको प्रहरी वृत्त थानकोटका डिएसपी नारायणप्रसाद अधिकारीले बताए।
उनका अनुसार गाडीमा पाँच जना सवार रहेकोमा ३ जनालाई सकुशल उद्धार गरिरएको छ।
गाडी सडकबाट पाँच सय मिटर तल खसेर क्षतविक्षत भएको थियो। गाडी के कारणले दुर्घटना भएको हो भन्नेबारे खुलेको छैन।
