इमर्जिङ टिम्स एसिया कपको इतिहासमा नेपालको तेस्रो जित
एसीसी इमर्जिङ टिम्स एसिया कप क्रिकेट प्रतियोगिताको बुधबार खेलिएको समूहगत चरणको आफ्नो अन्तिम खेलमा नेपालले संयुक्त अरब इमिरेट्स (यूएई) लाई तीन विकेटले हराएको छ ।
एसीसी इमर्जिङ टिम्स एसिया कपको इतिहासमा नेपालले हासिल गरेको यो केवल तेस्रो जित हो । यसअघि एसीसी इमर्जिङ टिम्स एसिया कपमा नेपालले दुई पटक हङ्कङलाई हराएको थियो ।
एसीसी इमर्जिङ टिम्स एसिया कप श्रीलंकामा आयोजना भइरहेको छ । नेपाल र यूएई दुबै टोली उपाधि होडबाट भने यसअघि नै बाहिरिइसकेका छन् । समूह ‘बी’ मा नेपाल तेस्रो र यूएई चौथो भए । उक्त समूहबाट भारत र पाकिस्तान नकआउट चरणमा पुगिसकेका छन् । अहिले समूह विजेताका रुपमा सेमिफाइनलमा स्थान बनाउन भारत र पाकिस्तानबीच खेल भइरहेको छ ।
समूह ‘ए’ बाट भने दुई टेस्ट राष्ट्र श्रीलंका र बंगलादेश नकआउट चरणमा पुगिसकेका छन् । चार—चार अंक जोडेको श्रीलंका पहिलो र बंगलादेश दोस्रो हुँदै सेमिफाइनलमा पुगेका हुन् । चार अंक नै जोडे पनि श्रीलंका र बंगलादेशसँग नेट रन रेटमा पछाडि परेको अफगानिस्तान समूहगत चरणबाटै बाहिरिएको थियो । चौथो स्थानमा रहेको ओमानले भने एक खेल पनि जित्न सकेन ।
टस जिती पहिले ब्याटिङको निर्णय लिएको यूएईले यूएईले ४४ ओभरमा अलआउट हुनुअघि एक सय ५७ रन बनायो । जवाफी ब्याटिङमा ओर्लिएको नेपालले २३ ओभरमा सात विकेट गुमाएर विजय लक्ष्य पार गरेको थियो ।
नेपालको जितमा कुशल भुर्तेलले अलराउन्ड प्रदर्शन गरे । उनले बलिङमा ६ विकेट लिए भने ब्याटिङमा अर्धसतकीय पाली पनि खेले । उनले टोलीका लागि ७१ रनको योगदान गरे । ओपनर भुर्तेलले ४३ बलको सामना गरी चार छक्का र नौवटा चौका हिर्काएका थिए । त्यसअघि उनले ३२ बलमा आफ्नो अर्धसतक पूरा गरेका थिए । उनले दुई छक्का र आठ चौकाको मद्दतले अर्धसतक पूरा गरेका थिए ।
टोलीका लागि देव खनाले २४ रनको योगदान गरे । चौथो नम्बरमा क्रिज समाल्न आएका सन्दीप जोराले पनि २४ रनकै योगदान गरेका थिए । सन्दीपले केवल १५ बलको सामना गरी दुई छक्का र एक चौका प्रहार गरेका थिए । गुल्सन झाले पनि ११ रन बनाए । कप्तान रोहित पौडेल नौ रनमा आउट भए । प्रतिस जीसीले अविजित आठ रन बनाए । उनले केवल तीन बलको सामना गरी दुई चौका हिर्काएका थिए । कुशल मल्ल दुई रनमा अविजित रहे ।
नेपालले पहिलो ओभरको पहिलो बलमै विकेट गुमाएको थियो । नेपालको पहिलो विकेटका रुपमा विकेटकिपर ब्याट्सम्यान अर्जुन साउद पेभेलियन फर्किएका थिए । उनलाई यूएईका बलर मुहम्मद जवादुल्लाहले एलबीडब्लू आउट गराएका थिए ।
नेपालका दोस्रो विकेटका रुपमा ओपनर ब्याट्सम्यान कुशल भुर्तेल पेभेलियन फर्किएका थिए । उनी ७१ रन बनाएर आउट भएका थिए । उनले ४३ बलको सामना गरी चार छक्का र नौवटा चौका पनि हिर्काएका थिए ।
त्यसअघि उनले ३२ बलमा आफ्नो अर्धसतक पूरा गरेका थिए । उनले दुई छक्का र आठ चौकाको मद्दतले अर्धसतक पूरा गरेका थिए । कुशल भुर्तेलको विकेट यूएईका बलर मोहम्मद फराजुद्दिनले लिएका हुन् । फराजुद्दिनले कुशल भुर्तेललाई फहाद नवाजद्वारा क्याच गराएका थिए । कुशल भुर्तेल आउट हुँदा नेपालले १२.६ ओभरमा ९८ रन बनाएको थियो ।
नेपालले तेस्रो विकेटका रुपमा देव खनाललाई गुमाएको थियो । उनी ३७ बलमा चार चौकाको मद्दतले २४ रन बनाउँदै आउट भएका थिए । उनलाई यूएईका बलर मोहम्मद फराजुद्दिनले एलबीडब्लू आउट गराएका हुन् । देव आउट हुँदा नेपालले १४.५ ओभरमा एक सय तीन रन बनाएको थियो । त्यतिबेला नेपाललाई जितका लागि थप ५५ रन आवश्यक थियो ।
चौथो विकेटका रुपमा नेपालका सन्दीप जोरा आउट भएका थिए । उनी १५ बलमा दुई छक्का र एक चौकाको मद्दतले २४ रन बनाउँदै पेभेलियन फर्किए । उनलाई यूएईका बलर मोहम्मद फराजुद्दिनले अली नासिरद्वारा क्याच गराए । सन्दीप आउट हुँदा नेपालले १६.२ ओभरमा एक सय २४ रन बनाएको थियो । त्यतिबेला नेपाललाई जितका लागि थप ३४ रन आवश्यक थियो ।
पाँचौं विकेटका रुपमा गुल्सन झा ११ रन बनाउँदै आउट भएका थिए । उनको विकेट मोहम्मद फराजुद्दिनले लिएका हुन् । विकेटकिपर आर्यान्स शर्माद्वारा स्टम्पिङ भएका थिए । उनी आउट हुँदा नेपाललाई जितका लागि एक सय ७५ बलमा नौ रन आवश्यक थियो ।
छैटौं विकेटका रुपमा कप्तान रोहित पौडेल आउट भएका थिए । उनी नौ रन बनाउँदै आउट भएका थिए । उनलाई मुहम्मद जवालुद्दिनले आर्यान्स शर्माद्वारा क्याच गराएका थिए । उनी आउट हुँदा नेपालले २१.१ ओभरमा एक सय ४९ रन बनाएको थियो ।
सातौं विकेटका रुपमा पवन सर्राफ आउट भएका थिए । उनले खातासम्म खोल्न सकेनन् । उनको विकेट मोहम्मद फराजुद्दिनले लिएका हुन् । उनी फराजुद्दिनको बलमा बोल्ड हुँदा नेपाललाई जितका लागि एक सय ६५ बलमा सात रन आवश्यक थियो ।
त्यसअघि नेपालले यूएईबाट एक सय ५८ रनको लक्ष्य पाएको थियो । पालीको गतिलो सुरुआत गरे पनि २० ओभरपछि यूएईका ब्याट्सम्यानहरु नेपाली बलरको दबाबमा परेका थिए । त्यसपछि यूएईका ब्याट्सम्यानहरु एकपछि अर्को गर्दै पेभेलियन फर्किएका थिए ।
यूएईलाई सामान्य स्कोरमा समेटन नेपाली बलर कुशल भुर्तेलले उत्कृष्ट प्रदर्शन गरे । उनी एक्लैले ६ विकेट लिए । उनले १० ओभरमा केवल ४० रन खर्चिएका थिए । श्याम ढकालले दुई विकेट लिए ।
कुशल मल्लले एक विकेट लिए । पवन सर्राफले पनि एक विकेट हात पारे ।
कुशल भुर्तेलले ‘लिस्ट ए’ प्रतियोगितामा नेपालका लागि गरेको यो हालसम्मकै उत्कृष्ट बलिङ हो । अन्तर्राष्ट्रिय एकदिवसीय प्रतियोगितालाई समेत आधार मान्दा भने कुशल भुर्तेलले गरेको यो तेस्रो उत्कृष्ट प्रदर्शन हो ।
यसअघि सन् २०२१ को सेप्टेम्बर १० तारिखमा पपुला न्युगिनीविरुद्घको अन्तर्राष्ट्रिय एकदिवसीय खेलमा नेपालका स्पिनर सन्दीप लामिछानेले ५.१ ओभरमा ११ रन खर्चिएर ६ विकेट लिएका थिए । त्यसअघि सन् २०२० को फेब्रुअरी १२ तारिखमा खेलिएको अमेरिकाविरुद्घको अन्तर्राष्ट्रिय एकदिवसीय खेलमा सन्दीपले नै ६ ओभरमा १६ रन खर्चिएर ६ विकेट लिएका थिए ।
बुधबारको खेलमा पहिले ब्याटिङ गरेको यूएईका लागि ओपनर ब्याट्सम्यान लभप्रित सिंहले अर्धसतक बनाए । उनले टोलीका लागि ५२ रनको योगदान गरे । उनले ८२ बलको सामना गरी एक छक्का र ६ वटा चौका पनि हिर्काएका थिए ।
एथान डिसुजाले १८ रन बनाए । असवन्त भालथपाले टोलीको खातामा १६ रन थपे । ओपनर ब्याट्सम्यान आर्यन्स शर्माले १४ रन बनाए । जस जिनयानीले १३ रन जोडे । यूएईका अन्य ब्याट्सम्यानले भने दोहोरो अंकमा रन बटुल्न सकेनन् । यूएईको अन्तिम विकेटका रुपमा निलान्श केशवन नौ रनमा आउट भएका थिए । उनलाई श्याम ढकालले विकेटकिपर अर्जुन साउदद्वारा स्टम्पिङ गराएका थिए ।
यूएईको पहिलो विकेटका रुपमा आर्यान्स शर्मा १४ रन बनाउँदै पेभेलियन फर्किएका थिए । उनको विकेट कुशल मल्लले लिएका थिए । कुशलले उनलाई पवन सर्राफद्वारा क्याच गराएका हुन् । पहिलो विकेट खस्दा यूएईले १०.४ ओभरमा ३९ रन बनाएको थियो ।
यूएईको दोस्रो विकेट पवन सर्राफले लिएका थिए । पवनले यूएईका ब्याट्सम्यान अंश टण्डनलाई तीन रनको ब्यक्तिगत स्कोरमा एलबीडब्लूको धरापमा पारेका थिए । टण्डन आउट हुँदा यूएईले १५.४ ओभरमा ५२ रन बनाएको थियो ।
नेपाली बलर कुशल भुर्तेलले यूएईको तेस्रो विकेट लिएका थिए । उनले यूएईका एथान डिसुजालाई १८ रनको ब्यक्तिगत स्कोरमा पेभेलियन फर्काएका थिए । उनले एथानलाई एलबीडब्लूको धरापमा पारेका हुन् । तेस्रो विकेट गुमाउँदा यूएईले २४ ओभरमा ९६ रन बनाएको छ ।
चौथो विकेट पनि कुशल भुर्तेलले लिएका थिए । उनले क्रिजमा जमिसकेका यूएईका ब्याट्सम्यान लभप्रित सिंहलाई सन्दीप जोराद्वारा क्याच गराएका थिए । ओपनर ब्याट्सम्यान लभप्रित सिंहले ८१ बलको सामना गरी एक छक्का र ६ वटा चौकाको मद्दतले ५२ रन बनाएका थिए । उनी आउट हुँदा यूएईले २५.५ ओभरमा एक सय ६ रन बनाएको थियो ।
पाँचौं विकेटका रुपमा यूएईका ब्याट्सम्यान फाहद नवाज चार रनको ब्यक्तिगत स्कोरमा आउट भएका थिए । उनी कुशल भुर्तेलको बलमा विकेटकिपर अर्जुन साउदद्वारा स्टम्पिङ आउट भएका थिए । कुशल भुर्तेलले लिएको यो तेस्रो विकेट थियो । फाहद नवाज आउट हुँदा यूएईले २७.५ ओभरमा एक सय १६ रन बनाएको थियो ।
छैटौं विकेटका रुपमा यूएईका कप्तान अली नासिर एक रन बनाउँदै पेभेलियन फर्किएका थिए । उनलाई कुशल भुर्तेलले आउट गराएका थिए । उनको क्याच पनि कुशल भुर्तेलले नै लिएका हुन् । कुशल भुर्तेलले लगातार चौथो विकेट लिएका हुन् । कप्तान अली नासिर आउट हुँदा यूएईले २९.४ ओभरमा एक सय २१ रन बनाएको थियो ।
सातौं विकेटका रुपमा यूएईले असवान्त भलथपालाई १६ रनको ब्यक्तिगत स्कोरमा गुमाएको थियो । उनको विकेट कुशल भुर्तेलले लिएका थिए । कुशल भुर्तेलले उनलाई विकेटकिपर अर्जुन साउदद्वारा स्टम्पिङ गराएका हुन् । कुशल भुर्तेलले लगातार पाँचौं विकेट लिएका हुन् । उनी आउट हुँदा यूएईले ३३.३ ओभरमा एक सय ३१ रन बनाएको थियो ।
यूएईको नवौं विकेट भने श्याम ढकालले लिएका थिए । उनले जस जिनयानीलाई १३ रनमा कुशल मल्लद्वारा क्याच गराएका थिए । जस जिनयानी आउट हुँदा यूएईले ४३.२ ओभरमा एक सय ५६ रन बनाएको थियो ।
