बार्सिलोनालाई हराउँदै युनाइटेड प्रि–क्वाटरफाइनलमा
म्यानचेस्टर युनाइटेड युरोपा लिग फुटबलको प्रि–क्वाटरफाइनलमा प्रवेश गरेको छ ।
स्पेनिस क्लब बार्सिलोनालाई नकआउट चरणको प्ले अफको दोस्रो लेगमा बिहीबार राति २–१ ले हराउँदै समग्रमा ४–३ को जितसहित युनाइटेड अन्तिम १६ मा पुगेको हो ।
बार्सिलोनाको घरेलु मैदानमा भएको पहिलो लेगमा दुई टोलीले २–२ गोलको बराबरी खेलेका थिए ।
युनाइटेडको घरेलु मैदानमा खेलको १८ औं मिनेटमा रोबर्ट लेवान्डोस्कीले पेनाल्टीमार्फत गोल गर्दै बार्सिलोनालाई अग्रता दिलाए ।
युनाइटेडका लागि खेलको ४७ औं मिनेटमा फ्रेडले गोल गर्दै १–१ गोलको बराबरीमा ल्याए । खेलको ७३ औं मिनेटमा एन्टोनीले गोल गर्दै युनाईटेडलाई २–१ को जित दिलाए ।
