धेरै नुन खाँदा पनि मृगौलामा पत्थरी हुनसक्छ, अपनाउनुहोस् बच्ने सजिलो उपाय !
मृगौलाको पत्थरीबाट बच्ने उपाय : मिर्गौलाको पत्थरीको समस्याले युवायुवतीलाई चाँडै सताइरहेको छ । मृगौलामा घुल्ने खनिज जम्मा भएर शरीरबाट बाहिर निस्कन नसक्दा पत्थरी बन्ने गर्छ । सुरुमा मानिसमा यसको लक्षण नदेखिने र ढुङ्गाको आकार बढेपछि पीडादायी अवस्था उत्पन्न हुन्छ । मृगौलाको पत्थरीको उचित उपचार गरिएन भने यसले पिसाबसम्बन्धी समस्या, पिसाबमा इन्फेक्सन र मिर्गौला बिग्रने सम्भावना पनि हुन्छ । यसमा पटक्कै लापरवाही नगर्नुहोस्।
मेडिकल न्यूज टुडेका अनुसार मिर्गौलामा पत्थरी हुनुका धेरै कारण हुन सक्छन् । यसको सबैभन्दा ठूलो कारण गलत जीवनशैली र बिग्रिएको खानपानलाई मान्न सकिन्छ । धेरै नुन खाँदा पनि यो समस्या हुन सक्छ । मेडिकल हिस्ट्री, अत्याधिक तौल, मधुमेह, उच्च रक्तचाप र उच्च युरिक एसिडका कारण पनि मिर्गौलामा पत्थरी हुन सक्छ। आज हामी तपाईलाई कुन उपाय अपनाएर जीवनभर मिर्गौलाको पत्थरीको समस्याबाट टाढा रहन सकिन्छ भनी बताउछौँ ।
यी हुन् मिर्गौलाको पत्थरीबाट बच्ने सजिलो उपाय
नुन कम खानुहोस् : हार्वर्ड हेल्थको रिपोर्ट अनुसार धेरै मात्रामा नुन खाँदा मृगौलामा पत्थरीको समस्या हुन सक्छ। धेरै नुन खाँदा तपाईंको पिसाबमा क्याल्सियमको मात्रा बढ्छ, जसले पत्थरीको खतरा पनि बढाउँछ। मानिसहरूले एक दिनमा द्दघण्ण् मिलीग्राम भन्दा बढी नुन खानु हुँदैन। मृगौलामा पत्थरी हुने समस्या भएकाले दैनिक १५०० मिलीग्राम नुन मात्र खानुपर्छ । यसले तपाईलाई धेरै राहत दिनेछ।
प्रशस्त पानी पिउनुहोस् : मिर्गौलाको पत्थरीबाट बच्न मानिसले हरेक दिन पर्याप्त मात्रामा पानी पिउनुपर्छ । पानी पिउनाले मृगौलामा जम्मा भएका अतिरिक्त मिनरल्सलाई बाहिर निकाल्छ र मिर्गौलामा पत्थरी हुने खतरा कम हुन्छ । पानीमा कागती वा अमिलो रस मिसाएर पनि मिर्गौलाको पत्थरी हुनबाट जोगाउन सकिन्छ । हरेक दिन कम्तिमा ३ देखि ४ लिटर पानी पिउनुपर्छ ।
क्याल्सियमयुक्त खानेकुरा खानुहोस् : क्याल्सियमयुक्त खानेकुराको सेवन गर्नाले मिर्गौलाको पत्थरीको समस्याबाट बच्न सकिन्छ । दूध, दही, पनीर, सोयाबिन, बदाम र हरियो सागपातमा क्याल्सियम ठूलो मात्रामा पाइन्छ। यस्ता खानेकुराको सेवनले तपाईको पिसाबमा क्याल्सियम जम्मा हुने सम्भावना कम हुन्छ र मिर्गौलामा पत्थरी हुने खतरा कम हुन्छ ।
कुखुराको मासु र अण्डाबाट जोगिनुहोस् : रेडमीट, कुखुरा, अण्डा र सिफुडको अत्याधिक सेवनले युरिक एसिडको मात्रा बढाएर मृगौलामा पत्थरी हुने खतरा पनि बढाउँछ। यसबाट बच्न उच्च प्रोटिनयुक्त खानेकुराबाट बच्नुपर्छ । मांसाहारीबाट दुरी कायम गर्नुपर्छ र स्वस्थकर खाना खानुपर्छ ।
कम चकलेट खाने बानी बसाल्नुहोस् : तपाईलाई थाहा पाउँदा छक्क पर्नुहुनेछ कि धेरै चकलेट, चिया र ओखर खाँदा पनि मृगौलामा पत्थरी हुने खतरा बढ्छ। यस्तो अवस्थामा तपाईंले यी चीजहरूबाट टाढा रहनु पर्छ र स्वस्थ चीजहरू खानुपर्छ। यी कुरामा ध्यान दिनु भयो भने मिर्गौलाको पत्थरीको समस्याबाट बच्न सकिन्छ ।
