अनाधिकृत व्यक्ति प्रवेश गराई काम गराएको भन्दै कर्मचारी सङ्घको ध्यानाकर्षण
नेपाल स्टक एक्सचेन्ज (नेप्से) कर्मचारी सङ्घले कार्यालयमा अनाधिकृत व्यक्ति प्रवेश गरी काम गरेको भन्दै सत्य तथ्य पत्ता लगाउन माग गरेको छ ।
नेप्सेका प्रमुख कार्यकारी अधिकृत कृष्णबहादुर कार्कीले नै अनाधिकृत व्यक्तिलाई दैनिक काममा लगाएको सङ्घको भनाइ छ ।
उक्त विषयमा सत्यरतथ्य पत्ता लगाउन माग गरिएको छ । नेप्सेका एक कर्मचारीका अनुसार पहिले बाहिरबाट करारमा राखिएका कर्मचारीलाई पुन काम गराउन दिइएको छ ।
उनी दैनिक कार्यालयमा आउने गरेका छन् । ती करारका कर्मचारीले पहिले नै राजीनामा दिएर बाहिरिएका थिए । तर, पछिल्लो समय दैनिक रूपमा अनाधिकृत रूपमा काम गरिरहेका छन् ।
