हरियो प्याजमा लुकेको छ स्वास्थ्यको रहस्य, जाडोमा धेरै खानुहोस् !
हरियो प्याज एक प्रकारको प्याज हो, जसमा डल्लो भन्दा धेरै पातहरू छन् । यी पातमा सल्फर, फाइबर, भिटामिन, मिनरल्स, म्याग्नेसियम, पोटासियम, कपर र म्यांगनीज जस्ता पोषक तत्व प्रशस्त मात्रामा पाइन्छ ।
यी सबै पोषक तत्वहरूले शरीरमा पोषणको कमीलाई पूरा गर्न मद्दत गर्दछ । हरियो प्याजको सेवनले मेटाबोलिजम राम्रो हुन्छ र यसले हाम्रो तौललाई पनि नियन्त्रण गर्न सक्छ ।
हरियो प्याज हाम्रो स्वास्थ्यका लागि कत्तिको फाइदाजनक छ र जाडोमा यसलाई आफ्नो आहारमा किन समावेश गर्नुपर्छ भन्ने धेरै गुणले भरिपूर्ण यो तरकारीको बारेमा हामी तपाईलाई बताउँछौँ ।
हरियो प्याज खानुका ठूला फाइदाहरु
कम कार्बोहाइड्रेट : वेरीवेलफिटका अनुसार हरियो प्याजमा कार्बोहाइड्रेट एकदमै कम मात्रामा पाइन्छ, जसका कारण यसमा स्टार्चको मात्रा पनि निकै कम हुन्छ । जसका कारण यसको सेवनले रगतमा चिनीको मात्रा बढ्दैन ।
भिटामिन के प्रचुर मात्रामा : हरियो प्याजमा भिटामिन के प्रशस्त हुन्छ। यसका साथै यसमा भिटामिन ए, भिटामिन सी र फोलेट पनि प्रशस्त मात्रामा पाइन्छ । यसरी महिलाको स्वास्थ्यका लागि निकै फाइदाजनक हुन्छ ।
