वैवाहिक पार्टीमा १० मिनेट प्रस्तूतीको मिकाले लिए डेढ करोड भारु
गायक मिका सिंहले एक विवाह पार्टीमा १० मिनेट प्रस्तूती दिएको शुल्क डेढ करोड भारु लिएका छन् । भारतीय अर्बपति मुकेश अम्बानीका कान्छो छोरा अनन्त अम्बानीको इन्गेजमेन्ट पार्टीमा १० मिनेट प्रस्तूती दिएको त्यती शुल्क लिएको हो ।
अम्बानीका कान्छो छोरा अनन्तले २९ डिसेम्बरका दिन राधिका मर्चेन्टसँग इन्गेजमेन्ट गरेका हुन् । उक्त समारोहमा धेरै बलिउड सेलिब्रेटीहरु सहभागी भए ।
गायक मिका सिंहले स्टारहरूले भरिएको साँझमा आफ्ना गीतहरूले दर्शकहरूलाई मोहित बनाएका थिए । मिडिया रिपोर्टका अनुसार उनले यस समारोहमा १० मिनेट मात्रै प्रस्तुति दिएका थिए ।
तर त्यसका लागि करिब डेढ करोड भारतीय रुपैयाँ शुल्क लिएका थिए । मिका सामान्यतया एक घण्टाको कार्यक्रमको लागि यति धेरै पैसा लिन्छिन्।
अम्बानी परिवारमा हुने जुनसुकै समारोहमा मिका सिंह प्रायः प्रस्तुतिका लागि देखिन्छन् । मुकेश अम्बानीका जेठा छोरा आकाश अम्बानी र छोरी ईशा अम्बानीको बिहेमा पनि मिकाले आफ्नो प्रस्तुति दिएका थिए ।
