पत्रकार भण्डारीलाई पत्रकारितामा बाधा नगर्न पत्रकार महासंघको माग
वरिष्ठ पत्रकार तथा न्यूज अभियानका सम्पादक छायाचन्द्र भण्डारी समाचार लेखेकै कारण नेपाल प्रहरीले टार्गेट गरेको भन्दै नेपाल पत्रकार महासंघले भत्र्सना गरेको छ ।
पत्रकार भण्डारी अहिले परिवारसमेतको सम्पर्कमा नरही लुकीछिपी बस्नुपरेको भन्दै पत्रकारिता गर्न ब्यक्तिलाई दुख नदिन महासंघले माग गरेको हो ।
उहाँ आवद्ध पत्रकार महासंघले एक विज्ञप्ती जारी गर्दै नेपाल प्रहरीको ध्यानाकर्षण गराएको हो ।
कुनै पनि समाचारका विषयमा चित्त नबुझे कानुनी उपचारको बाटो रहेको छ । समाचारमा प्रकाशित विषय आचारसंहिताको परिधिभित्र छ, छैन भनी अनुगमन गर्ने निकाय प्रेस काउन्सिल नेपाल हो ।
“काउन्सिलले त्यस्ता सामग्रीमाथिको उजुरी लिने र सुनुवाईसमेत गर्ने गर्दछ, विज्ञप्तिमा भनिएको छ ।
यो प्रक्रियालाई अवज्ञा गर्दै प्रेस काउन्सिलको दायरामा पर्ने कुरामा समेत प्रवेश गरी पत्रकारलाई आतंकित पार्ने र सम्पर्कविहिन भई बस्नुपर्ने अवस्था सिर्जना गर्ने काम निन्दनीय छ ।
तसर्थ, पत्रकार भण्डारीलाई सहज रुपमा पत्रकारिता गर्ने वातावरण निर्माण गर्न महासंघ जोडदार माग गर्दछ ।
साथै, समाचार प्रवाह गर्दा आचारसंहिताप्रति सचेत रही पत्रकारिताको मर्यादाको पूर्ण पालना गर्नुपर्ने कुरामा महासंघ स्पष्ट छ ।
महासंघ यसतर्फ सबैको ध्यानाकर्षण गराउँछ, जारी
विज्ञप्तिमा उल्लेख छ ।
