नर्वेमा इस्लाम विरोधी नेतालाई ठक्कर दिँदा कार पल्टियो
नर्वेको राजधानी ओस्लोमा कुरान जलाएको केही समयपछि इस्लाम विरोधी समूहका नेताको कार ठोक्किएर पल्टिएको र यस घटनामा दुई जना पक्राउ परेका छन् ।
पक्राउ परेका दुई मध्ये एक जना चालक रहेको प्रहरीले जनाएको छ ।
ती दुईमाथि कट्टरपन्थी समूह स्टप द इस्लामाइजेसन अफ नर्वेुका नेता लार्स थोर्सनको एसयूभीलाई जानीजानी ठक्कर दिएको आरोप छ ।
केही इस्लाम विरोधी कार्यकर्ताहरूले पहिले जलिरहेको कुरान स्क्वायरमा राखे र त्यसपछि स्थानीयले आगो निभाउने प्रयास गरेका थिए ।
पछि ठूलो संख्यामा मानिसहरू यहाँ भेला भए र त्यसपछि एउटी महिलाले जलिरहेको पुस्तक उठाइन्।
एक साताअघि नर्वेको राजधानी ओस्लोमा भएको गोलीकाण्डमा दुई जनाको मृत्यु भएको थियो भने २१ जना घाइते भएका थिए र यो घटना सहरमा वार्षिक ‘प्राइड परेड’का क्रममा भएको हो ।
