ऋत बास्केटबलमा ९६ टिम सहभागि
ऋत एकेडेमीको आयोजनामा ऋत एसइइ कप थ्री बाइ थ्री बास्केटबल प्रतियोगिता मंगलबारदेखि हुने भएको छ ।
प्रतियोगितामा पुरुषतर्फ ८० र महिलातर्फ १६ गरी ९६ टिमको सहभागिता रहने ऋत एकेडेमीका प्रमुख कार्यकारी अधिकृत सिद्धार्थ लामाले जानकारी गराए ।
पुरुष तथा महिलातर्फको शीर्ष तीन स्थान हात पार्नेले क्रमशः सात हजार, पाँच हजार र तीन हजार पाँच सय नगद पुरस्कार पाउनेछन् ।
यस्तै शीर्ष तीन स्थान हात पर्ने प्रत्येक टोलीका खेलाडीलाई छात्रवृत्ति प्रदान गरिने प्रमुख कार्यकारी अधिकृत लामाले जानकारी दिए ।
नकआउट आधारमा हुने दुई दिने प्रतियोगिताका खेलहरू बसुन्धारास्थित आयोजक ऋतको आफ्नै बास्केटबल कोर्टमा हुनेछ ।
