महोत्तरीमा मोटरसाइकल दुर्घटना हुँदा एक जनाको मृत्यु
महोत्तरीको बर्दिबास नगरपालिका–३ कारेभोगटे पुलमा हिजो साँझ मोटरसाइकल दुर्घटना हुदा एक जनाको मृत्यु भएको छ । दुर्घटनामा एक जना गम्भीर घाइते भएका छन् ।
ना ५४ प ८९५४ नम्बरको मोटरसाइकल हिजो साँझ पौने ७ बजे अनियन्त्रित भइ पल्टिएको थियो ।
दुर्घटनामा गम्भीर घाइते भएका मोटरसाइकलमा पछाडी सवार सर्लाहीको ईश्वरपुर नगरपालिका–३ का २६ वर्षीय सुर्य कुमार मिस्त्रीको उपचारका क्रममा बर्दिबास स्थित जनसेवा अस्पतालमा मृत्यु भएको हो ।
घाइते भएका मोटरसाइकल चालक २५ वर्षीय निरज मिस्त्रीको सोही अस्पतालमा उपचार भइरहेको ईलाका प्रहरी कार्यालय बर्दिबास महोत्तरीले जनाएको छ ।
