हँसपुर नगरपालिकाकी उपमेयर रेणु झा जसपामा प्रवेश
मधेश प्रदेश स्थित धनुषा जिल्लाको अन्तरगत हँसपुर नगरपालिकाकी उपप्रमुख रेणु झा जनता समाजवादी पार्टी नेपालमा प्रवेश गरेकी छन् ।
जनकपुरस्थित होटेल वेलकममा जसपाका अध्यक्ष उपेन्द्र यादवले उपप्रमुख झालाई स्वागत गरे ।उपप्रमुख झा तत्कालीन राष्ट्रिय जनता पार्टीबाट निर्वाचित भएकी थिइन् ।
जसपामा प्रवेश गरेपछि उनले भनिन्, ‘मेयर रामज्ञान मण्डल (लोसपा)का हुन् र मेयरसँग सुरुदेखि नै मतभेद रहिआएको छ । एउटै पार्टीमा रहेर झगडा गर्नु भन्दा छुट्टै पार्टीमा रहेर जनताको लागि काम गर्नु राम्रो हुन्छ भनेर (लोसपा) परित्याग गरेको हुँ ।’
यसैगरी मधेस प्रदेशकै मुखियापट्टी मुसरनिया गाउँपालिका वडा नं ४ मा स्वतन्त्रबाट निर्वाचित वडाअध्यक्ष उदयचन्द्र झा पनि जसपामा प्रवेश गरेका छन् ।
उनलाई पनि अध्यक्ष यादवले नै स्वागत गरेका थिए ।
