क्यालिफोर्नियामा गोली चल्दा ६ जनाको मृत्यु, १२ घाइते
अमेरिकाको क्यालिफोर्नियामा गोली चल्दा ६ जनाको मृत्यु भएको छ । उक्त घटनामा परी अन्य १२ जना घाइते भएका छन् ।
क्यालिफोर्निया राज्यको राजधानी सेक्रामेन्टोको रेस्टुरेन्ट र बारहरू रहेको व्यस्त इलाकामा स्थानीय समय अनुसार आइतबार बिहान गोली चलेको थियो ।
गोली चलेपछि प्रहरीले पनि जवाफी कारबाही गरेको थियो ।घटनामा संलग्नको पहिचान नभएको र अनुसन्धान भइरहेको प्रहरीले जनाएको छ ।
अमेरिकामा गोली काण्डबाट हरेक वर्ष करिब ४० हजार जनाको मृत्यु हुने गरेको छ । यसमा आत्महत्याको सङ्ख्या पनि संलग्न छ ।
