राष्ट्रपति भण्डारी र साउदी विदेशमन्त्रीबीच शिष्टाचार भेटवार्ता
राष्ट्रपति विद्यादेवी भण्डारी र नेपाल भ्रमणमा रहेका साउदी अरबका राजकुमार एवं विदेशमन्त्री फैजल बिन फरहान अल साउदबीच भेटवार्ता भएको छ ।
शीतलनिवासमा मंगलबार भएको भेटवार्तामा दुई देशबीच रहिआएको सम्बन्ध, आपसी हित र चासोका विषयमा छलफल भएको राष्ट्रपतिको कार्यालयले जनाएको छ ।
आजै परराष्ट्र मन्त्रालयमा भएको नेपाल र साउदी अरब परराष्ट्र मन्त्रीस्तरीय बैठकमा पारस्परिक सहयोग अभिवृद्धि गर्नेसम्बन्धी सम्झौतापत्रमा हस्ताक्षर भएको थियो ।
