चोरी भएको मूर्ति प्रहरीद्वारा गुठीलाई हस्तान्तरण, बाजागाजासहित मन्दिरमा भित्र्याइयो
ललितपुरको बालकुमारी मन्दिरबाट चोरी भएको मूर्ति फेला पारेर प्रहरीले हस्तान्तरण गरेको छ ।ललितपुर महानगरपालिक-–२७ स्थित सुनाकोठीमा रहेको बालकुमारी मन्दिरबाट हराएको मूर्ति शुक्रबार बिहान ६ बजेतिर ललितपुर महानगरपालिका- १५ स्थित करुणा मन्दिरको छेवैमा उक्त मूर्ति फेला परेको हो ।
उक्त मूर्ति गुठीका अध्यक्ष नन्दबहादुर महर्जनलाई हस्तान्तरण गरिएको ललितपुरका एसएसपी यज्ञविनोद पोखरेलले बताए ।स्थानीयले बाजागाजासहित खुसीयाली मनाएर बालकुमारी मन्दिरमा मूर्ति पुनस्र्थापना गरेका छन् ।
खुमलटारस्थित करुणा मन्दिरको हातामा बोरामा प्याक गरेको अवस्थामा मूर्ति भेटिएको एसएसपी पोखरेलले बताए । त्यहाँका प्रहरी प्रमुख एसएसपी यज्ञविनोद पोखरेलले व्यापाक खोजी भएको मूर्ति र पक्रिन सकिने त्रासले चोरी गरेकोले मूर्ति छाडेको हुनुपर्ने बताए ।
