एसईई आगामी वैशाख ९ गतेदेखि
माध्यमिक शिक्षा परीक्षा (एसईई) आगामी वैशाख ९ गतेदेखि हुने भएको छ।
राष्ट्रिय परीक्षा बोर्डको यसअघि नै बसेको बैठकले एसईई वैशाख ९ गतेदेखि २० गतेसम्म सञ्चालन गर्ने निर्णय लिएको हो।
बोर्डका अध्यक्ष महाश्रम शर्माले स्थानीय तह निर्वाचन पहिले नै एसईई गर्न लागिएको बताएका छन्।
स्थानीय तह निर्वाचन मिति तोकिएपछि मात्रै एसईईको समय तालिका निर्धारण गरिएको शर्माले बताए।
बोर्डले परीक्षा तालिका बिहीबारको गोरखापत्र र बोर्डको वेबसाइटबाट सार्वजनिक गर्ने शर्माले बताएका छन्।
