नाइजेरियामा गत वर्षमात्र बन्दुकधारीद्वारा एक हजार १९२ को हत्या
नाइजेरियामा गत वर्षमात्र बन्दुकधारीहरुले एक हजारभन्दा बढी नागरिकको हत्या गरेका छन् । प्राप्त समाचारअनुसार यहाँका बोको हराम आतङ्ककारीहरूले सन् २०२१ मा मात्र १ हजार १९२ जनाको हत्या गरेका हुन् ।
साथै उनीहरुले गत वर्षमात्र ३ हजार ३४८ जनालाई अपहरण गरेका थिए । यीमध्ये नाइजेरियाको उत्तर पश्चिमी क्षेत्र कादुनाका बढी नागरिक सिकार भएका हुन् ।
कादुना प्रान्तको प्रान्तीय सरकारले मंगलबार सो सम्बन्धी रिपोर्ट प्रकाशन गरेको हो ।साथै गत वर्ष मात्र यहाँका ८९१ जना घाइते भएका छन् ।
उनीहरुलाई पनि आतङ्ककारीले गोली हानी घाइते बनाएका हुन् ।
