काठमाडौं महानगरले माग्यो करारमा २३१ कर्मचारी
गरिब परिवार पहिचान तथा परिचयन पत्र वितरण सर्वेक्षणका लागि काठमाडौं महानगरपालिकाले करारमा २३१ जना कर्मचारी माग गरेको छ ।
महानरले करारमा २१ जना सुपरिवेक्षक र २१० जना गणक माग गरेको हो । इच्छुकले सात दिनभित्र दरखास्त दिनुपर्नेछ ।१८ वर्ष पुगेर ४० वर्ष ननाघेकाले दरखास्त दिनसक्नेछन् ।
सुपरीवेक्षणका लागि तथ्यांकशास्त्र, जनसंख्या, अर्थशास्त्र वा गणितमध्ये कुनै एक विषयमा कम्तिमा स्नातक गरेको हुनुपर्नेछ भने गणका लागि पनि तिनै विषयमा प्रमाणपत्र तह उत्तीर्ण गरेको हुनुपर्ने छ ।
