आज तोलामा ४ सयले घट्यो सुनको मूल्य
नेपाली बजारमा आज सुनको मूल्य तोलामा ४ सयले घटेको । नेपाल सुनचाँदी व्यवसायी महासंघका अनुसार तोलामा ४ सयले घटेर बजारमा आज तोलामा ९१ हजार ८००मा कारोबार भएको छ ।
अघिल्लो दिन सुनको प्रतितोला ९२ हजार २००मा कारोबार भएको थियो । महासंघले सार्वजनिक गरेको विवरण अनुसार तेजाबी सुनको आजको मूल्य प्रतितोला ९१ हजार ३०० छ जसको मूल्य गत आइतबार प्रतितोला ९१ हजार ७०० थियो ।
त्यस्तै आज चाँदीको मूल्य प्रतितोला १०ले घटेर १ हजार २४०मा आएको महासङ्घले जनाएको छ । अन्तर्राष्ट्रिय बजारमा आज सुन प्रतिऔँस एक हजार ७८७ डलर आसपास कारोबार भइरहेको छ ।
