सुडानका प्रधानमन्त्री हमदोकद्वारा सैन्य कूको एक हप्तापछि राजीनामा
सुडानका प्रधानमन्त्री अब्दुल्ला हमदोकले राजीनामाको घोषणा गरेका छन् ।हमदोकले सेनासँग एक विवादास्पद सम्झौतापछि आफ्नो राजीनामाको घोषणा गरेका हुन् ।
सुडानको सेनाले अघिल्लो वर्ष अक्टोबरमा सत्तामाथि कब्जा जमाएको थियो र हमदोकलाई नजरबन्द गरिएको थियो तर यो सैन्य कूपछि प्रधानमन्त्री हमदोक र सेनाबीच सत्ताको साझेदारीको विषयमा सम्झौता भयो, त्यसपछि उनलाई बहाल गरिएको थियो ।
यो सम्झौता सेनाको दखलको विषयमा सर्वसाधारणले प्रदर्शन गरिरहेका छन् । प्रदर्शनकारी, सेना र राजनेताबीच भएको यो सम्झौतालाई खारेज गर्दै देशमा पूर्ण रुपमा नागरिक शासन लागू गर्न माग उठिरहेको छ ।
अब्दुल्ला हमदोकले राजीनामा दिएको दोस्रो दिन पनि प्रदर्शन भयो जसमा कम्तिमा दुईजना मारिए । एक टेलिभिजन सम्बोधनमा हमदोकले भने, ‘सुडान एउटा यस्तो खतरनाक मोडमा थियो जसका कारण यसको पूरा अस्तित्वलाई खतरा थियो ।’
उनले थपे, ‘मैले देशलाई बर्बादितर्फ धकेल्न रोक्ने पुरा कोसिस गरे । सहमतिसम्म पुग्नका लागि जे गर्नुपर्दथ्यो, मैले गरे तर त्यति हुँदा हुँदै पनि यस्तो हुन सकेन ।’
यस्तै उनी भन्छन्, ‘मैले जिम्मेवारी सुम्पिने र प्रधानमन्त्रीको रुपमा आफ्नो राजीनामाको घोषणा गर्ने निर्णय गरेको छु र कोही अन्य महिला र पुरुषलाई देश चलाउने मौका दिइरहेको छु । सत्ताको यो हस्तान्तरणमा मलाई सहयोग गर्नुहोस् ।’
सत्ताको यो सम्झौताको उद्देश्य देशलाई लोकतान्त्रिक शासनतर्फ लैजाने बताइँदै छ ।अघिल्लो वर्ष नोभेम्बरमा हमदोक र सेनाबीच भएको सम्झौता अन्तर्गत प्रधानमन्त्री चुनाव हुञ्जेलसम्म टेक्नोक्रेटको मन्त्रीमण्डलको नेतृत्व गर्नेछन् तर नयाँ सरकारसँग कति शक्ति हुनेछ भनेर स्पष्ट छैन । प्रदर्शनकारीका अनुसार उनीहरुलाई सेनामाथि विश्वास छैन ।
