प्रदेश २ : लोकतान्त्रिक समाजवादीको अवरोधकैबीच प्रदेशसभामा दुई अध्यादेश पेश
लोकतान्त्रिक समाजवादी पार्टीका सांसदको विरोधकाबीच प्रदेश २ को प्रदेशसभामा दुई वटा अध्यादेश पेश भएको छ ।
सामाजिक विकास मन्त्री नवलकिशोर साहले कृषि र विज्ञान प्रविधी विश्वविद्यालय सम्बन्धी अध्यादेश पेश गरेका हुन् ।अध्यादेशको विरोध गर्दै लोकतान्त्रिक समाजवादी पार्टीका सांसदले प्रदेशसभा बैठक अवरुद्ध पारेका थिए ।
लोसपा सांसदको अवरोधका कारण १५ मिनेटका लागि बैठक स्थगित गरेका सभामुख सरोजकुमार यादवले त्यसपछिको बैठकमा भने विरोधकै बीच अध्यादेश पेश गर्न दिए ।
अब प्रदेशसभाको बैठक पुस ८ गते (बिहीबार)बस्ने सभामुख यादवले बताएका छन् । त्यस्तै आजको बैठकमा लोसपाका सांसदले मुख्यमन्त्री लालबाबु राउतको राजीनामा मागेका थिए ।
