कर्णालीका मुख्यमन्त्री शाहीले आज विश्वासको मत लिने
कर्णाली प्रदेशका मुख्यमन्त्री जीवनबहादुर शाहीले आज विश्वासको मत लिदैँ छन् ।
मुख्यमन्त्री नियुक्त भएको ३० दिनभित्र संसद्बाट विश्वासको मत लिनुपर्ने संवैधानिक व्यवस्था अनुसार मुख्यमन्त्री शाहीले नियुक्त भएको २८औँ दिनमा विश्वासको मत लिन लागेका हुन् ।
आज दिउँसो १ बजे बोलाइएको प्रदेश सभाको बैठकबाट मुख्यमन्त्री शाहीले विश्वासको मत लिन लागेका हुन् ।कांग्रेस संसदीय दलका नेता शाही कात्तिक १६ गते मुख्यमन्त्रीमा नियुक्त भएका थिए । उनले मुख्यमन्त्रीमा विश्वासको मत प्राप्त गरेपछि मात्र मन्त्रिपरिषद् विस्तार गर्ने तयारीमा रहेका छन् ।
