वडा अध्यक्षको निधनमा बुटवल उपमहानगरमा आज बिदा
वडा अध्यक्षको निधनमा बुटवल उप-महानगरपालिकाले आज शोक बिदा दिएको छ ।उपमहानगरको वडा नम्बर ३ का अध्यक्ष लालप्रसाद बस्यालको निधनमा मंगलबार एक दिन बिदा दिइएको हो ।
बस्यालको सोमबार आफ्नै घरमा लडेर निधन भएको थियो ।उपमहानगरपालिकाले जारी गरेको सूचनामा सबै वडाहरूमा अत्यावश्यक बाहेका सम्पूर्ण सेवा बन्द गरिने उल्लेख गरिएको छ ।
बस्याल एमालेबाट वडामा निर्वाचित भएका थिए । सोमबार आफ्नै घरको शौचालयमा लडेर उनको निधन भएको पारिवारिक स्रोतले जनाएको छ ।
७३ वर्षिय बस्यालको निधनको शोकमा उपमहानगरमा मंगलबार बिहान शोक सभा समेत राखिएको थियो ।
