२४ घण्टामा देशभर २९९ कोरोना संक्रमित थपिए, ६ जनाको मृत्यु
नेपालमा पछिल्लो समयमा कोरोना संक्रमण दर घटिरहेको छ । पछिल्लो २४ घण्टामा २९९ जना कोरोना संक्रमित थपिएका छन् ।
देशभर गरीएको १११५१ जनामा गरिएको नमूना परीक्षणमा २९९ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
मन्त्रालयका अनुसार २४ घण्टाको समयावधिमा कोरोना संक्रमणबाट ६ जनाको मृत्यु भएको छ । त्यस्तै आज २६० जना कोरोनामुक्त भई घर फर्किएका छन् । मन्त्रालयका अनुसार अहिले देशभर ७६४२ जना सक्रिय संक्रमित रहेका छन् ।
