भारतीय विदेशमन्त्री जयशंकर र प्रधानसेनापति शर्माबीच भेटवार्ता
प्रधानसेनापति प्रभुराम शर्मा र भारतीय विदेश मामिला मन्त्री एस जयशंकरबीच भेटर्वाता भएको छ ।भारत भ्रमणमा रहेका प्रधानसेनापति शर्माले विदेशमन्त्री जयशंकरसँग आज भेटवार्ता गरेका हुन् ।
प्रधासनोपति शर्माले बिहीबार विदेशमन्त्री जयशंकरलाई उनको कार्यकक्षमा भेटेका हुन् ।भेटपछि एक तस्वीर ट्वीट गर्दै जयशंकरले भनेका छन्, ‘उनको भ्रमणले हाम्रो सम्बन्धको निकटतालाई झल्काउँछ ।’
प्रधानसेनापति शर्माले बुधबार भारतका राष्ट्रपतिबाट भारतीय स्थल सेनाको मानार्थ महारथीको सम्मान ग्रहण गरेका छन् । नेपाल र भारतका सेना प्रमुखलाई एकअर्काको देशमा मानार्थ महारथीको सम्मान दिने प्रचलन रही आएको छ ।
