आज अस्ताउँदो सूर्यलाई अर्घ दिइ सुनसरीमा हर्षोल्लासका छठ पर्व मनाउदै
आज छठ पर्वको मुख्य दिन सुनसरी जिल्लामा पनि हर्षोल्लासका साथ मनाइदैँ छ ।लक्ष्मी पूजाको चार दिनपछि अर्थात् कार्तिक शुक्ल पक्षको चौथी तिथिका दिनबाट छठपर्व विधिवतरूपमा आरम्भ हुन्छ ।
पाँचदिनसम्म अत्यन्त नियम निष्ठापूर्वक एवं श्रद्धापूर्वक मनाइने छठ पर्वको आज (बुधबार) मुख्य दिन आज साँझ अस्ताउँदो सूर्यलाई अर्घ दिइन्छ ।
अस्ताउँदो सूर्यलाई अर्घ दिन पोखरी तलाउमा बनाइएको घाटमा रातिदेखि नै छठको पूजा सामग्री लिएर भक्तजनहरु जान थालेका छन् ।
अहिले छठपर्व मनाउनेहरू पोखरीको डिल , नदीतट र कतिपय श्रद्धालु भक्तजनहरूले आफ्नै घर अगाडि र शहर बजारमा आफ्नै घरको छत माथि सरसफाइ गरी आफ्ना लागि पूजास्थल सुरक्षित बनाएका छन् ।
घाटमा लाखौँ रकम खर्चेर सजावट र व्यवस्थापनका गरिएको छ । स्थानीय एफएम रेडियोले अहिले छठका गीत बजाइरहेका छन् त्यसले गर्दा छठ पर्वको छुटै रोनक छाएको छ ।
खासगरी छठ पूजामा छठी मातालाई अर्पण गरिने प्रसादमा स्याउ, केरा, सुन्तला, पानी भएको नरिवल, उखु, हरियो बोडी, पानी सिङ्गडा, मुला, अदुवाको बोट पर्छन् । यो समय माटो तथा बाँसका सामग्री खरिद समेत गरिन्छ ।
सुनसरीको इनरूवा नगरपालिका , देवानगञ्ज गाउँपालिका , हरिनगर गाउँपालिका , बर्जु गाउँपालिका लगायतका स्थानमा सूर्य देवता र छठी माताको पूजा आराधनाका लागि विशेष सजाबट गरिएको छ ।
युवाहरूले छठ पर्वको उपलक्ष्यमा विभिन्न प्रकारका मनोरजनात्क सांस्कृतिक कार्यक्रमहरू गर्न थालिएको छ ।
छठ पूजाका लागि सुनसरीका व्रतालुहरू राति पूजा घाटमै बस्छन् भने गाउँ क्षेत्रमा अधिकांश व्रतालु साँझ घर फर्कछन् र भोलिपल्ट बिहानै घाटमा गएर उदाउँदो सूर्यलाई अघ्र्य दिने गरिन्छ । विशेषगरी, भाकल गरेकाले यो पर्व मनाउँछन् ।
यो पर्व मनाउँदा चर्मरोग निको हुने, पुत्रलाभ, आर्थिक समृद्धि तथा सुख, शान्ति प्राप्त हुने जनविश्वास छ । सोमबारदेखि सुरु भएको पर्वअन्तर्गत बुधबार साँझ अस्ताउँदो सूर्यलाई र बिहीबार उदाउँदो सूर्यलाई अघ्र्य दिएपछि सम्पन्न हुन्छ ।
यस पर्वमा मुस्लिम समुदायका व्यक्तिहरू पनि सहभागी हुने गर्दछन् र यो पर्व बिधिवत रूपमा मनाउने गर्दछन्। पवित्र मनले छठ पर्व मनाउँदा पारिवारिक कल्याण, सन्तानसुख, चर्म रोग निवारण हुने तथा सम्पूर्ण मनोकामना पूरा हुने विश्वास गरिन्छ।
