सुनको मूल्य एकैदिन बढ्यो तोलामा १५ सय
आज नेपाली सुनचाँदी बजारमा छापावाला सुनको मूल्य तोलामा १हजार ५ सयले बढेको छ । आजा तोलामा १५ सयको मूल्य बृद्धि भएसँगै सुनको मूल्य ९२ हजार ५०० कायम भएको नेपाल सुनचाँदी व्यवसायी महासंघले बताएको छ ।
त्यस्तै आज चाँदीको मूल्य बिहीबारका तुलनामा रु २५ले उकालो लागेर एक हजार २५० कायम भएको छ । महासङ्घले अन्तर्राष्ट्रिय बजारमा हुने सुनचाँदीका मूल्यको उतारचढावका आधारमा यहाँ दैनिक सुन तथा चाँदीको कारोबार मूल्य तोक्दै आएको छ ।
अन्तर्राष्ट्रिय बजारमा आज सुन प्रतिऔंस एक हजार ८१९ दशमलव ७३ डलरमा कारोबार भइरहेको छ ।
