प्रधानमन्त्री देउवा र एमसीसीकी उपप्रमुख एलेक्सियाबीच भेटवार्ता
प्रधानमन्त्री शेरबहादुर देउवा र मिलेनियम च्यालेन्ज कर्पोरेसन (एमसीसी) की उपप्रमुख कार्यकारी अधिकृत (डेपुटी सीईओ) एलेक्सिया ल्याटोर्तुको भेटवार्ता भएको छ।
जलवायु परिवर्तनसम्बन्धी २६ औं सम्मेलन (कोप-२६) को उच्चस्तरीय सत्र (विश्व लिडर्स सम्मेलन) मा भाग लिन ग्लास्गो पुगेका प्रधानमन्त्री देउवालाई डेपुटी सीईओ ल्याटोर्तुले मंगलबार भेटेकी हुन् ।
भेटमा एमसीसी सम्झौताका बारेमा कुराकानी भएको परराष्ट्रमन्त्रालयले जनाएको छ ।काँग्रेसभित्रै र अन्य राजनीतिक दलभित्र एमसीसीका बारेमा विवाद भइरहेका बेला प्रधानमन्त्री देउवा सम्झौता पास गर्नुपर्ने पक्षमा रहेका छन् ।
