नेपाल क्रिकेट संघद्वारा मुख्य प्रशिक्षकको लागि दरखास्त आह्वान
राष्ट्रिय पुरुष क्रिकेट टिमको मुख्य प्रशिक्षकको लागि नेपाल क्रिकेट संघले दरखास्त आह्वान गरेको छ ।
आज क्यानले मुख्य प्रशिक्षकको लागि दरखास्त आह्वान गरेको हो ।इच्छुक र योग्य व्यक्तिले आफ्नो बायो डाटा र पदको लागि इछ्याएको कारण खुलाउँदै अक्टोबर ३१ सम्म दरखास्त दिन सक्ने छन् ।
मुख्य प्रशिक्षक डेव ह्वाटमोरले राजीनामा दिएपछि नेपाली टिम मुख्य प्रशिक्षक विहीन रहेको छ । ६७ वर्षीय ह्वाटमोर खुल्ला प्रतिस्पर्धाबाट नै मुख्य प्रशिक्षक नियुक्त भएका थिए । तर, उनले ८ महिना नबित्दै राजीनामा दिएका थिए ।
ओमानमा भएको आईसीसी विश्वकप क्रिकेट लिग-२ को त्रिकोणात्मक एकदिवसीय सिरिज पछि ह्वाटमोरले नेपाली टिम छाडेका हुन् ।
