प्रचण्डलाई भेट्न एमसिसी उपाध्यक्ष सुमार पुगिन् खुमलटारमा
एमसिसी उपाध्यक्ष फातिमा सुमार माओवादी केन्द्रका अध्यक्ष पुष्पकमल दाहाल प्रचण्डलाई भेट्न खुमलटार पुगेकी छिन् ।
एमसिसी पारित हुने वातावरण बनाउन प्रचण्डसँग भेटेर आग्रह गर्नुका साथै एमसीसीबारे विश्वस्त गराउन केही बेर अघि उनी खुमलटारस्थित निवास पुगेको जानकारी प्राप्त भएको छ ।
बिहीबार नेपाल आएकी उनले सुरुमा एमाले अध्यक्ष केपी ओलीलाई भेटेकी थिइन् । हिजै उनले नेकपा एसका अध्यक्ष माधव कुमार नेपालसँग पनि भेट गरेकी थिइन् । आज उनले प्रधानमन्त्री शेरबहादुर देउवालाई समेत भेट्दै छिन् ।
