सरकारलाई स्पष्टिकरण नबुझाई रेलवे कम्पनीका महाप्रबन्धक गुरु भट्टराईले पदबाट दिए राजीनामा
नेपाल रेलवे कम्पनी लिमिटेडका महाप्रबन्धक गुरु भट्टराईले पदबाट राजीनामा दिएका छन् ।
भट्टराईले भौतिक पूर्वाधार तथा यातायात मन्त्रालयमा बुधबार राजीनामा बुझाएका हुन् ।
सरकारले भट्टराईलाई आचरण विपरीत काम गर्दै आएको भन्दै स्पष्टीकरण सोधेको थियो । तर उनले आफूले स्पष्टीकरण दिन जरुरी नरहेको भन्दै सामाजिक सञ्जालमा लेख्दैआएका थिए ।
केपी ओली नेतृत्वको सरकार हटेपछि भट्टराईले सामाजिक सञ्जालमार्फत माधव नेपाल, पुष्पकमल दाहाल सहित विभिन्न नेताहरुविरुद्ध कडा टिप्पणी गर्दैआएका थिए । साथै आफूलाई कसैले पदबाट हटाउन नसक्ने चेतावनी समेत उनले दिएका थिए ।
