भारतको सिको गर्दै सोमबार बागमतीमा यसरी घोप्ट्याइयो दूध !
भारतको उत्तर प्रदेशमा हिन्दूवादीहरूले नदीमा दूध चढाएको सिको गर्दै पशुपतिस्थित बागमती नदीमा पनि हिन्दूवादीहरूले दूध चढाएका छन् ।
भारतमा दूध पोखेको दृश्यप्रति पूर्व प्रधानमन्त्री डा. बाबुराम भट्टराईले आलोचना गरेपछि नेपालका हिन्दूवादीले डा भट्टराईको विरोध स्वरुप भारतको सिको गर्दै सोमबार बागमतीमा दूध घोप्ट्याएका हुन् ।
मानिसले उपभोग गर्ने दूध यसरी नष्ट गर्न नहुने भन्दै डा। भट्टराईले टिप्पणी गरेपछि हिन्दूवादीहरू आक्रोशित बनेका हुन् । यो विषयले सामाजिक सञ्जालमा चर्चा पाएको छ ।
उनीहरूले बागमती नदीमा ट्यामीबाटै दूध पोखेर भट्टराईप्रति विरोध जनाएका छन् ।
