केपी ओली र माधव नेपालबीच होटल मेरियटमा भेटवार्ता सकियो
सत्तारुढ एमालेका अध्यक्ष तथा प्रधानमन्त्री केपी शर्मा ओली र वरिष्ठ नेता माधवकुमार नेपालबीच ५५ दिनपछि प्रत्यक्ष वान टु वान भेटवार्ता भएको छ ।
राजधानी स्थित ओली र नेपालबीच होटल मेरियटमा वान टु वान वार्तापछि ओली, नेपाल सहित ईश्वर पोखरेल, भीम रावल, विष्णु पौडेल, सुरेन्द्र पाण्डे लगायतका नेताहरुबीचमा सामुहिक वार्ता सुरुभएको छ ।
ओली र नेपालबीच ५५ दिनपछि आज होटलमा प्रत्यक्ष भेटबार्ता भएको हो । यसअघि ओली र नेपालबीच गत बैशाख ३० गते क्याप्टेन रामेश्वर थापाको चपली हाइटस्थित निवासमा भेटवार्ता भएको थियो ।
त्यसपछि ओली र नेपालबीचको भेटवार्ता हुन सकेको थिएन । सर्वोच्च अदालतमा काँग्रेस सभापति शेरबहादुर देउवालाई प्रधानमन्त्री नियुक्त गर्न परामादेश मागेर नेपाल पक्ष अध्यक्ष ओलीविरुद्ध लागिरहेका बेला दुई नेता सहित सामुहिक भेटबार्ता भएको हो ।
सर्वोच्चको संवैधानिक इजलासमा उक्त रिट निवेदनमा बहस सकिएर आगामी असार २८ गते फैसला गर्ने मिति तोकेको छ ।
