निर्वाचन आयोगले छलफलका लागि बोलायो जसपाका महन्थ र उपेन्द्र दुवै समूहलाई
निर्वाचन आयोगले छलफलका लागि जसपाका महन्थ ठाकुर र उपेन्द्र यादव दुवै समूहलाई बोलाएको छ ।
आधिकारिकताको दावी गरेका महन्थ ठाकुर र उपेन्द्र यादव दुवै समूहलाई छलफलका लागि मंगलबार ११ बजे बोलाएको निर्वाचन आयोगले जनाएको छ ।
अन्तिम सहमतिका लागि बोलाएको छलफलमा दुवै पक्ष सहभागी भए आयोगले सहमतिका लागि पहल गर्ने र सहमति नभए जुन पक्षको दाबी पुग्छ त्यसैअनुसार निर्णय गर्ने प्रक्रिया सुरु गर्ने आयोगको तयारी रहेको छ ।
जसपामा महन्थ ठाकुर र उपेन्द्र यादव समूहबीच आधिकारिकताको विवाद छ । दुवैले एकले अर्कालाई कारवाही गरेका छन् । आफ्नो पक्षलाई आधिकारिकता दिन भन्दै दुवैले आयोगमा उजुरी दिएका थिए ।
