रोल्पामा पहिरोले घर बगाउँदा एकै परिवारका तीन जनाको मृत्यु
लुम्बिनी प्रदेश स्थित रोल्पा जिल्लामा पहिरोले घर बगाउँदा एकै परिवारका तीन जनाको मृत्यु भएको छ । रोल्पा नगरपालिका -९ होमा भन्ने गाउँका टिका सिंह बुढा मगरको गएराति पहिरोले घर बगाउँदा तीन जनाको मृत्यु भएको हो ।
गएराति १२ बजेको समयमा अविरल वर्षासँगै आएको पहिरोले बुढामगरकी आमा ८६ बर्षीया करती बुढामगर , १८ बर्षीया बुहारी सुशीला बुढा मगर र १५ बर्षीया छोरी श्यामकला बुढामगरको पहिरोमा पुरिएर मृत्यु भएको रोल्पा जिल्ला प्रहरी कार्यालय जानकारी दिएको छ ।
घटनास्थलमा जिल्ला प्रहरी प्रमुख डिएसपी नरेश राज सुवेदी सहितको टोली जाँदै गरेको रोल्पा जिल्ला प्रहरी कार्यालयले जानकारी दिएको छ ।
६ जनाको परिवार रहेको बुढा मगर आफू, उनकी श्रीमती र छोरा भने बाँच्न सफल भएको प्रहरीले बताएका छन् ।
