अब कनेक्ट आईपीएसबाटै एनआईसी एशिया बैंकको खाता अनलाइन भेरिफाई गर्न सकिने
एनआईसी एशिया बैंकको खाता अब कनेक्ट आईपीएसबाटै अनलाइन भेरिफाई गर्न सकिने भएको छ ।
एनआईसी एशिया बैंकका ग्राहकहरुले कनेक्ट आईपीएसमा लिंक गरी अब आफ्नो बैंक खाता अनलाइनबाटै सेल्फ भेरिफाई गर्न सकिने सुविधा उपलब्ध गराएको छ ।
यस अनलाइन सुविधासँगै बैंकका ग्राहकहरुले कनेक्ट आईपीएसमा लिंक गरिएको खाता भेरिफाई गर्नका निम्ति बैंकको शाखा पुग्नुपर्ने अवस्थाको अन्त्य भएको छ ।
अब अनलाइनबाटै सम्पूर्ण प्रकृया पूरा गरी कारोबार गर्न सकिन बैंकले जनाएको छ । हालको निषेधाज्ञाको समयमा बैंकका विभिन्न वैकल्पिक च्यानलमार्फत पनि फन्ड ट्रान्सफर तथा अन्य भुक्तानीका निम्ति कनेक्ट आईपीएसको प्रयोग बढेको छ ।
अनलाइन सेल्फ भेरिफाई गरिएका खाताहरूका लागि बैंकले प्रतिदिन २ लाख तथा प्रति महिना १० लाखसम्मको कारोबार सीमा प्रदान गरेको छ भने कनेक्ट आईपीएसमा रहेको पूर्ण कारोबार सीमाको लागि भने ग्राहकले बैंकमाफर्म बुझाएर एकपटक भेरिफाई गराउनु पर्ने हुन्छ ।
बैंक खाता लिंक गरी सेल्फ भेरिफाई कसरी गर्ने ?
-कनेक्ट आईपीएसमा लिंक एकाउन्ट अप्सन भित्र आवश्यक विवरण दाखिला गरी खाता लिंक गर्ने
-म्यानेज एकाउन्टभित्र लिंक गरिएको खातामा सेल्फ भेरिफाई एकाउन्टमा क्लिक गर्ने
-रजिष्टर गरिएको मोबाइल नम्बरमा प्राप्त ओटीपी दाखिला गर्ने
-अनलाइन लिंक गर्न खोजिएको खातामा जम्मा भएको दुईवटा रकमहरु दाखिला गरी प्रकृया पूरा गर्ने
-अब लिंक गरिएको खाता मार्फत मोबाइल एप र वेबबाट सजिलै कारोबार गर्न सकिन्छ ।
