नागरिकता झमेला अन्त्य गर्दै आमाको नामबाट समेत नागरिकता दिने सरकारको निर्णय
संघीय सरकारले संविधानमा भएको परिकल्पना बमोजिम आमाको नागरिकता भएका सन्तानलाई जन्मसिद्ध आधारमा नेपाली नागरिकताको प्रमाणपत्र दिने निर्णय गरेको छ ।
बिहीवारको मन्त्रिपरिषद् बैठकले आमाको नेपाली नागारिकता भए सन्तानलाई जन्मसिद्ध नागरिकता प्रमाणपत्र दिने निर्णय गरेको हो ।
आमाको नामबाट सन्तानले नागरिकता नपाइरहेको अवस्थामा बिहीवार बसेको मन्त्रिपरिषद् बैठकले नागरिकता दिने निर्णय गरेको एक मन्त्रीले बताए ।
यसरी नागरिक्ता दिइदा उक्त सन्तानको बुवा मरेको, बेपत्ता रहेको वा सम्बन्धविछेद भएकोको अवस्थामा मात्र लागु हुने उक्त मन्त्रिले बताए ।
त्यस्तै कुनै नेपाली महिलाले विदेशीसँग विवाह गरी सो वैवाहिक सम्बनधमा रहेकाबेला भने उक्त महिलाको सन्तानलाई आमाको नामबाट नागरिक्ता दिइने छैन ।
त्यस्ता कतिपय पीडितले अदालतमा मुद्दा गरेर मात्र जिल्ला प्रशासन कार्यालयबाट नागरिकता पाउने गरेका थिए । अन्यथा जिल्ला प्रशासन कार्यालयले नागरिकता दिनबाट वञ्चित गर्ने गरेको छ ।
जनता समाजवादी पार्टी (जसपा) नेपालले लामो समयदेखि नागरिकताको समस्या समाधानका लागि विधेयक ल्याउन सरकारसँग माग गर्दै आएको थियो ।
