कोरोनाको अवस्था भयावह रहेको भन्दै बंगलादेशले लगायो नेपालसँगको उडानमा प्रतिबन्ध
नेपालमा कोभिड-१९ को संक्रमण अवस्था भयावह बनेको बताउँदै बंगलादेशले आजदेखि नेपालसँग हुने उडानलाई रोक लगाएको छ ।
अर्को सूचना जारी नभएसम्म नेपालसँगको उडानलाई रोक लगाउने निर्णय भएको जनाइएको छ । बंगलादेशले जोखिमको आधारमा ए,बी र सी मुलुक सूचीकृत गरेको छ जसमा नेपाल एमा छ ।
बंगलादेशको उड्डयन प्राधिकरणले आइतबार उक्त निर्णय गरेको हो । ‘कोरोनाभाइरस फैलने जोखिमलाई रोक्नका लागि हामीले नेपालसँग हुने उडानलाई अहिलेका लागि स्थगित गरेका छौं’ जारी विज्ञप्तीमा उल्लेख छ ।
